JUPAS放榜|JUPAS放榜令大量考生焦慮不堪 曾智華勉勵考生:出閘絕不定生死
發布時間: 2024/08/07 17:39
▲ JUPAS在8月7日放榜。(資料圖片)
令到大量考生焦慮不堪的JUPAS,今日公布正式遴選結果,即是有成功,也會有失敗。
我肥碌差不多行完人生,略有資格講講這場「人生長途賽」是怎樣。
小弟極喜歡賽馬,目標不在投注,而是在賽馬中,學習到不少人生哲理,例如:一、快閘彈出領放的,通常不能維持到尾,多數轉彎入直跑開始腳軟,到最後一百米被過頭。跑大長途,有極多因素決定輸贏,絕少「贏在起跑綫」的「幸運兒」(通常不懂面對逆境)最後真正勝出。
二、馬有不同血統、强項與品種。練馬師(父母)切忌迫馬匹(子女)跑不擅途程,因必無好結果。最佳方法,按馬性(天份及興趣)給予栽培及支持,沿途鼓勵已夠,切忌亂谷亂鞭違反馬性,多悲劇收場。
三、馬匹(自己?)亦應有自知之明,切忌三班馬實力夾硬跑一班,如此必場場落敗。反之,三班馬改跑四班,則隨時掃晒。這樣就會跑出信心,慢慢自然會升班。
馬圈如社會,由N咁多不同實力及班數的馬匹組成,有的合短途、有的合長途、有的具爆炸力而無韌力、有的大器晚成。
我不會講乜乜「求學不是求分數」,又或「考試成績唔重要」呢類廢話。只想講事實及目睹無數真實個案,「出閘絕不定生死」。
若果你漏閘,無壞,努力跑,按自己興趣天份再加專業態度拼搏,最後多數贏。
有空去睇睇《公開試當真》啦,會有啟發。
下載HKET App,追蹤TOPick WhatsApp頻道,睇全方位資訊:
撰文 : 曾智華